मिलै ऐसन सजनवा

हमरे तो धनि-धनि भाग हो, मिलै ऐसन सजनवा।

पिछले पुन्य मोरे जाग हो, मिलै ऐसन सजनवा।।

मिलै ऐसन सजनवा…।।

संग मोरे सोवै सैंया संग मोरे जागैं,

संग-संग मोरे सखि मचिया री त्यागैं।

सखि हमरे तिना री तोहू माँग हो।।

मिलै ऐसन सजनवा…।।

हमरे बिना रे सैंया रहि नहीं पावै,

खेत खलिहनवा में बतियाँ बनावैं।

मोहे सांझ री घुमावैं सखि बाग हो।।

मिलै ऐसन सजनवा…।।

प्रेम करैं हमसे दुलार करैं हमसे,

कौंनौं दिना रि नहि रार करैं हमसे।

सखि दुर्गुण न कौनो संग लाग हो।।

मिलै ऐसन सजनवा…।।

Leave a Reply

Your email address will not be published. Required fields are marked *